غزل ( شاعرہ من مان )

 

چڑھدے پنجاب دی نامور شاعرہ من مان ہوراں دی اک

 غزل:

تیرا  دیدار  کرنا  ہے    تے  وارو  وار  کرنا  ہے ۔

میں تپدے من دا ریگستان ٹھنڈا ٹھار کرنا ہے ۔

تڑپ، احساس، ہنجھو، زخم تے خاموشیاں دِندا ،

نرالی  ریت  عشقے  دی  ایہنے  بے زار   کرنا ہے ۔

جے  میں آواز  نہ دِتی، نہ اُسنے ویکھنا مُڑ کے ،

وفا  دی  اِس کسَوٹی تے وی کی اعتبار کرنا ہے ۔

مِلے تیرا  ہنگارا جے رواں ایہ زندگی ہووے ،

جے ایہ اُپکار ہے تیرا تاں میں اِنکار کرنا ہے ۔

بڑا  ہی گھور کلجُگ ہے ہنیرا ہو رہے گوڑھا ،

اجے  ہے پھیلنا اِسنے اجے وِستھار کرنا ہے ۔

میرا سِر سیس ہو جاندا گُراں دی ندر دے صدقے،

اتے اِس  ندر نوں  سجدہ  میں  آپا  وار  کرنا ہے ۔

اِسے کائنات دے اندر اِسے سنسار وچ رہندے ،

اِسے پنجرے دے اندر ہی میں ساگر پار کرنا ہے ۔

سدا  غم  درد  جو دِتّے توں ساری زندگی مینوں ،

سجا کے تمغیاں وانگوں، میں ‘من’ شِنگار کرنا ہے ۔

من مان

شاہ مُکھی لپیئنترن: امرجیت سنگھ جیت