ਪੰਜਾਬੀ ਗ਼ਜ਼ਲ ਦੇ ਉੱਘੇ ਸ਼ਾਇਰ ਭੁਪਿੰਦਰ ਸੰਧੂ ਹੁਰਾਂ ਦੀ ਇਕ ਭਾਵਪੂਰਤ ਗ਼ਜ਼ਲ:
ਕਿੰਨਾਂ ਚਿਰ ਲਾ ਕੇ ਰੱਖੋਂਗੇ ਸਾਜਾਂ ਉੱਤੇ ਪਹਿਰੇ ਹੋਰ ।
ਪਹਿਰੇ ਵਿਚ ਵੀ ਗੂੜੀ ਹੋ ਕੇ ਚਮਕੂ ਸਾਜਾਂ ਦੀ ਲਿਸ਼ਕੋਰ ।
کِنّاں چِر لا کے رکھونگے سازاں اُتے پہرے ہور ۔
پہرے وچ وی گوڑی ہو کے چمکو سازاں دی لِشکور ۔
ਸਾਜਾਂ ਨੂੰ ਬੋਲਣ ਲਾ ਦਿੰਦਾ ਹੈ ਸੋਚਾਂ ਵਿਚਲਾ ਸੰਗੀਤ ,
ਸਾਜ ਕਦੇ ਵੀ ਚੁੱਪ ਨਾ ਹੁੰਦੇ,ਚੁੱਪ ਹੁੰਦੇ ਬੰਦੇ ਕਮਜ਼ੋਰ ।
سازاں نوں بولن لا دِندا ہے سوچاں وِچلا سنگیت ،
ساز کدے وی چپّ نہ ہُندے،چپّ ہُندے بندے کمزور ۔
ਸੋਭਾ ਨਾ ਕਦੇ ਦੇਵਣ ਜ਼ੇਵਰ ਜਿਹੜੇ ਬੰਦ ਸੰਦੂਕੀਂ ਰਹਿਣ ,
ਹੱਥੀਂ ਪੈਰੀਂ ਛਣਕਣ ਜੋ ਮਨ ਨੂੰ ਭਾਉਂਦੇ ਚੂੜੇ ਝਾਂਜਰ ਬੋਰ ।
سوبھا نہ کدے دیون زیور جہڑے بند سندوکیں رہن ،
ہتھیں پیریں چھنکن جو من نوں بھاؤندے چوڑے جھانجر بور ۔
ਲੱਖ ਸੋਚਾਂ ਦੇ ਵਿਚ ਡੁੱਬਾ ਬੰਦਾ ਜਿਉਂ ਡਿੱਗਾ ਗਹਿਰੀ ਖੱਡ,
ਸੁਰ ਭਿੱਜੇ ਕੁਝ ਬੋਲਾਂ ਨੇ ਉਸ ਨੂੰ ਦੇਣਾ ਚੋਟੀ ਵੱਲ ਤੋਰ ।
لکھّ سوچاں دے وچ ڈبا بندہ جیوں ڈِگا گہری کھڈّ،
سُر بِھجے کجھ بولاں نے اُس نوں دینا چوٹی ولّ تور ۔
ਸੰਗੀਤ ਸਦਾ ਚਾਲ 'ਚ ਰਹਿੰਦਾ ਭਾਵੇਂ ਬਦਲੇ ਕਿੰਨੇ ਰੂਪ ,
ਸੁਰ ਤਾਲ ਬਣਾਉਂਦੇ ਨੇ ਸੰਧੂ ਜੀਵਨ ਤਾਈਂ ਨਵਾਂ ਨਕੋਰ।
سنگیت صدا چال 'چ رہندا بھاویں بدلے کِنّے روپ ،
سُر تال بناؤندے نے سندھو جیون تائیں نواں نکور۔
ਭੁਪਿੰਦਰ ਸੰਧੂ ਬਠਿੰਡਾ
9646108157
بھپندر سندھو بٹھنڈا
۹۶۴۶۱۰۸۵۷
No comments:
Post a Comment