۔۔۔۔۔۔
اردو غزل ۔۔۔۔۔۔
سَر پھِری سی خواھشوں میں گھِر گٸے
ھم بھی کیسی مُشکِلوں میں گھِر گٸے
ھر طرف سیلاب ھی سیلاب ھے
بستی والے بارشوں میں گھِر گٸے
اپنی اپنی جا پہ سب ٹھہرے رھے
فاصلے جب فاصلوں میں گھِر گٸے
دیکھنے والے تو کب کے جا چُکے
عَکس لیکن آٸینوں میں گھِر گٸے
دُشمنوں مانگو دُعاٸے خیر ھم
ہر طرف سے دوستوں میں گھِر گٸے
عَظمی سُورج ڈوبنے کے ساتھ ھی
پنچھی اپنے مَسکنوں میں گھِر گٸے
۔۔۔۔۔ ولی محمد عَظمی ۔۔۔۔۔۔
No comments:
Post a Comment