اعظم توقیر ( تو ہے اک خواب مگر خواب سے نکلوں کیسے )

 غزل۔۔۔۔۔۔۔۔۔۔۔۔۔۔

تُو ہے ا ِک خواب مگر خواب سے نکلوں کیسے

میں تری سوچ کے گرداب سے نکلوں کیسے

۔۔۔۔۔۔۔۔۔۔۔۔۔۔۔۔۔۔۔۔۔۔۔

اب نہ کشتی ہے نہ ملاح نہ پتوار کوئی

میں بھلا وقت کے  سیلاب سے نکلوں کیسے

۔۔۔۔۔۔۔۔۔۔۔۔۔۔۔۔۔۔۔۔

یہ  مری  جنت ِ ارضی ہے،بھروسہ ہے مرا

میں جو چاہوں بھی توپنجاب سے نکلوں کیسے

۔۔۔۔۔۔۔۔۔۔۔۔۔۔۔۔۔

زندگی ساتھ  گزاری ہے سو اب کے صاحب

چاہے جیسے بھی ہیں  احباب سے نکلوں کیسے

۔۔۔۔۔۔۔۔۔۔۔۔۔۔۔۔۔

تری یادیں ہی وراثت میں ملی ہیں مجھ کو

تری یادوں کے حسیں باب  سے نکلوں کیسے

۔۔۔۔۔۔۔۔۔۔۔۔۔۔۔

ہائے وہ گیسو،ترے شانوں پہ بکھرے گیسو

ریشم و اطلس و کم خواب سے نکلوں کیسے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اعظم توقیر