(بےدردی)
دل توں اینج وساریا اُس نیں
مڑ نا مینوں وچاریا اس نیں
لگدا ذہن چوں کڈ دتا اے
فر نا مینوں چتاریا اُس نیں
بے دردی نوں درد نہیں ہویا
روح کولوں دُرکاریا اُس نیں
بےفکرے نیں فکر نا کیتا
ایسا سی پھٹکاریا اُس نیں
سینے دے وچ چوب جیہی پاؤندا
خورے کی اتاریا اس نیں
نین پیاسے دید اوہدی دے
ساویں بیٹھ نکاریا اُس نیں
عادت توں مجبور سی بھورا
مرجایا نہیں سویکاریا اُس نیں
لیکھک سمر پال کؤر بٹِھنڈا
پردھان بیانِ حرف ساہتک منچ پنجاب ریج
شاہ مُکھی انوادک اشتیاق انصاری
ਬੇਦਰਦੀ
ਦਿਲ ਤੋਂ ਇੰਝ ਵਿਸਾਰਿਆ ਉਸਨੇ।
ਮੁੜ ਨਾ ਮੈਨੂੰ ਵਿਚਾਰਿਆ ਉਸਨੇ।
ਲਗਦਾ ਜਿਹਨ ਚੋਂ ਕੱਢ ਦਿੱਤਾ ਏ ,
ਫਿਰ ਨਾ ਮੈਨੂੰ ਚਿਤਾਰਿਆ ਉਸਨੇ।
ਬੇਦਰਦੀ ਨੂੰ ਦਰਦ ਨਹੀਂ ਹੋਇਆ,
ਰੂਹ ਕੋਲੋਂ ਦੁਰਕਾਰਿਆ ਉਸਨੇ।
ਬੇਫ਼ਿਕਰੇ ਨੇ ਫ਼ਿਕਰ ਨਾ ਕਰਕੇ ।
ਐਸਾ ਸੀ ਫਿਟਕਾਰਿਆ ਉਸਨੇ,
ਸੀਨੇ ਦੇ ਵਿੱਚ ਚੋਭ ਜਿਹੀ ਪਾਉਂਦਾ ,
ਖ਼ੌਰੇ ਕੀ ਉਤਾਰਿਆ ਉਸਨੇ।
ਨੈਣ ਪਿਆਸੇ ਦੀਦ ਓਹਦੀ ਦੇ,
ਸਾਹਵੇਂ ਬੈਠ ਨਕਾਰਿਆ ਉਸਨੇ।
ਆਦਤ ਤੋਂ ਮਜਬੂਰ ਸੀ ਭੌਰਾ,
ਮੁਰਝਾਇਆ ਨਹੀਂ ਸਵੀਕਾਰਿਆ ਉਸਨੇ।
ਲੇਖਿਕਾ: ਸਿਮਰਪਾਲ ਕੌਰ ਬਠਿੰਡਾ
ਪ੍ਰਧਾਨ: ਬਿਆਨ-ਏ-ਹਰਫ਼ ਸਾਹਿਤਕ ਮੰਚ ਪੰਜਾਬ (ਰਜਿ.)
No comments:
Post a Comment