من دھرتی نوں سجدہ کردے
کعبہ رکھ دھیان تے ویلا جاندا ای
دھار صدق تے جھاکاں لاہ دے
اپنا اصل پچھان تے ویلا جاندا ای
پانی باجھ سمندر نائیں
لیکھاں باجھ سکندر نائیں
دھرتی باجھ قلندر نائیں
لیک پتھر تے جان تے ویلا جاندا ای
اپنا ورثہ کُنجیں جیکر
ویلے توں نا گُنجھیں جیکر
عرشوں آ بہیں پُہنجے جیکر
تیری وکھری شان تے ویلا جاندا ای
پُوتھی عشق پَھرول او جانی
کجھ تے مونہوں بول او جانی
کیہ نہیں تیرے کول او جانی
جوگ، پنتھ، قرآن تے ویلا جاندا ای
(بابا نڈر حسین جانی)
No comments:
Post a Comment