نعت رسول مقبول
سلطان انبیاء کو شہہ بحر و بر کہو
رحمت کہو جہانوں کی اور سر بہ سر کہو
صلی علی وظیفہ کہ حضرت ہیں سن رہے
مقبول اس قدر ہے تو پھر عمر بھر کہو
دیکھو بشر خطا سے ہوتا نہیں جدا
ان کو بشر کہو ، نہیں خیرالبشر کہو
سب کو پرو دیا ہے اخوت کی ڈور میں
دشمن کبھی ہوئے تھے یوں شیر و شکر کہو ؟
شوق ثنائے خواجہ میں اک بیت باندھنا
گویا ہے سوئے طیبہ یہ رخت سفر کہو
لکھنا ہے لفظ لفظ یہاں سوچ سوچ کر
محبوب کبریا کی اثر نعت گر کہو
اشتیاق حسین اثر
No comments:
Post a Comment