اعزاز عین غزل

 جے تو میرے بارے کوئی چنگی گل نیئں کرنی

سمجھ گیا ہوویں گا ۔ہن میں اگلی گل نئیں کرنی

میں پُچھیا اج کیوں سدّیا ای تے اوہ آکھن لگی 

اک دوجے نوں ویکھی جاناے کوئی گل نیئں کرنی

پہلی گل اے تیرا پیار حیاتی نالوں ودھ اے

 پہلی تے اتبار ای تے میں دوجی گل نیئں کرنی

پیار تے نفرت بارے تیتھوں تاں میں پُچھّن آیاں

تو تے سِدھا بندہ ایں تو پُٹھی گل نئیں کرنی

حسن تیرے تے صدقے ۔ تاہیوں پردے پائی پھرناں 

 تینوں ویکھ لیا تے لوکاں میری گل نئیں کرنی

 

عشق چ کِتھے،  کِنّے کِنیّاں کاہنوں پیڑاں جریاں 

عاشق لئی ایہ حد اے اوہنے ایہ وی گل نیئں  کرنی  

میری پیار کہانی بھانویں ادھوری رہ جاوے  

اوہدی میری گل ہوئی اے اوہدی گل نیئں کرنی 

 

جنّت دوزخ ہورے کیہ اے عین پتہ نیئں  مینوں 

اللہ میرا بیلی اے میں وڈّی گل نیئں کرنی  

          اعزاز عین