غزل
سِلیاں اَکھاں .. نِیوِیں پاکے .. نِمّو جھانے ہو کے
بےپرواہ دے شہر چوں نکلے نِمّو جھانے ہو کے
مَیں بے جرم سزاواں سُن کے .. تختے تےجَد ہَسیا
چُپ سی مُفتی،مُنصف سارے نِمّو جھانے ہو کے
تینوں دیس دا راکھا چُن کے بُھگت رَےنیں آپے
ویکھن اِک دوجے دے وَلّے نِمّو جھانے ہو کے
سورج ُمکھّےنیں جد رات سیاہ جئے وال ہٹائے
چُھپ گئے جُگنو چن ستارے نِمّو جھانے ہو کے
جِسراں غلطی ہو گئی ہووےتَینوں دِلبر کہہ کے
سدھراں دے وَنجارے بیٹھے نِمّو جھانے ہو کے
ٹیشن تےکُجھ نَین پیاسے ویکھ کے شام دی گڈی
مُڑ پَے ... فیر اڈیکاں مارے نِمّو جھانے ہو کے
ضامن ! جَد او نال دلیلاں مَیتھوں جِت نہ سَکن
فر اوہ مَینوں پاگل کہندے نِمّو جھانے ہو کے
الطاف ضامن چیمہ
No comments:
Post a Comment