کلام : یاسین یاس

 

ہاسہ ہاسہ اے 

بھاویں ماسہ اے 

دکھ وی سچے نیں 

نیواں پاسہ اے 

ترلہ بلھیاں تے 

ہتھیں کاسہ اے 

اوہدا امتی آں 

ڈھیر دلاسہ اے 

جتھے وسدے او 

پکھی واسہ اے 

دینا کیڑے نوں 

اوہدا خاصہ اے 

یاسین یاس

غزل ( عامر صدیقی ) پھول نگر

 

اوہدے آ

ن دے لارے تے 

ساڈے ساہ کنارے   تے

ھالے وی  اکھ ظالم دی

ڈگے ڈھٹھے ڈھارے تے 

اونوں چھڈن لگا  ایں

پچھے ٹر پےسارے تے

بندا    بندا    لگے   گا

اندروں میں جے مارےتے

عامر دل دیاں ریجھاں نیں

جاواں اس دوارے   تے 

عامر صدیقی پھولنگر

غزل ( شاعر : منظور شاہد ارواڑہ )

 

میں بتھیری ڈکی اکھ

لڑ گئی دھکو دھکی اکھ

۔

اوہدی اکھ سی ہور کسے تے

 جندے تے میں رکھی اکھ

۔

راہ تے آجا سوکھی ہو جائے

راہواں تکدی تھکی اکھ

۔

جسلے سجن ساویں ہووے

جاندی نئیں جھمکی اکھ

۔

تینوں چیتے کر کر رووے

نکلی تیری سکی اکھ 

۔

جنوں اکھ دے وچ وسایا

اوسے ای ناں تکی اکھ

۔

دھڑ تے شاہد سر رہیا ناں

جہنے جہنے چکی اکھ

۔

منظور شاھد اوراڑہ قصور

گیت ( شاعر : سلیم آفتاب سلیم )

 

گیت

تُو سپنا میرا. . . . .  تُو اپنا میرا

تُو میرا رونا . . . .   تُو ہسنا میرا

تُو سپنا میرا . . . .   تُو اپنا میرا

تُو نظموں میں بھی. . تُوغزلوں میں بھی

میں تیرا شاعر. .   تُو  نغمہ  میرا

تُو سپنا میرا . . . .    تُو اپنا میرا

تُو چاہت بھی ہے. . . تُو راحت بھی ہے

تُو میری منزل. . .   تُو رستہ میرا

تُو سپنا میرا. . . .   تُو اپنا  میرا

تُو میرا دلبر. . . .  تُو میرا  افسر

وہ باتیں تیری. . .  تو چرچا میرا

تُو سپنا میرا. . .    تُو اپنا  میرا

میں تیرا جانی. . .  تُو میری رانی

میں تیرا عاشق. . .  تُو سجنا میرا

تُو سپنا میرا. . . .  تو  اپنا  میرا 

شاعر

سلیم آفتاب سلیم قصوری

غزل ( نواز ساجد نواز ) حسوکے

 

پنجابی غزل 

جے توں یار  نبھانی نئیں سی۔

یاری۔ توں فیر  لانی نئیں سی۔

نازک دل۔۔  تے ۔نیناں والی۔

 آری فیر چلانی نئیں سی۔

زلفاں ۔۔۔نال سی  سوہنا مکھڑا۔

مکھ توں زلف ہٹانی نئیں سی۔

جیکر ڈر جے دنیاں دا سی۔

دل دی تار ملانی نئیں سی۔

پیار دے زخماں والی سُتی۔

سجنا پیڑ جگانی نئیں سی۔

نیناں چوں میں جام سی منگیا۔

منگیا۔  میں   تے پانی نئیں سی۔

توں تے مرزے وانگوں ساجد۔

کرنی ختم  ۔کہانی نئیں سی۔

     نواز ساجد نواز 

     حسوکے راوی 

       لیل پور

پنجابی غزل ( ڈاکٹر عبدالغفار رندھاوا )

 

غزل 

اجڑی پجڑی سدھراں دی تصویر نہ دیکھی جاوے

 کیہ لکھیا تقدیر دے وچ تقدیر نہ دیکھی جاوے

 رانجھے دا حق کھوہ کے کھیڑا خشی مناندا پھر دا 

ڈولی چڑھدیاں چیکاں مار دی ہیر نہ دیکھی جاوے 

کہدے سہاگ دا جوڑا جھکھڑاں کیتا لیراں لیراں 

کیکراں اتے ٹنگی ہوئی لیر نہ دیکھی جاوے 

ہجر وچھوڑا موتوں بھیڑا نین غماں وچ روندے

 درداں ہنجواں آہواں دی جاگیر نہ دیکھی جاوے

 امن امان لئی تر سے لوکی ازلوں  پے نہیں روندے 

ظلماں جبراں والی ہوئی اخیر نہ دیکھی جاوے

 دل کملا مر جانا جھلا عشق توں باز نہ آوے

 روح کرلاوے تڑفے وچ سریر نہ دیکھی جاوے

 کہوے غفار رندھاوا شالا اک مک وسن سارے 

وچ بھرانواں وجی ہوئی لکیر نہ دیکھی جاوے

شاعر : ڈاکٹر عبدالغفار رندھاوا

پنجابی ادبی سنگت لاہور دا ہفتہ وار مشاعرہ

 پنجابی ادبی سنگت لاہور دا ہفتہ وار تنقیدی پروگرام تے مشاعرہ 

صدارت نوجوان شاعر یاسین یاس ہوراں کیتی 

مہمان خصوصی مزمل زائر نقوی ، ملک لیاقت علی کنول تے عدل منہاس لاہوری سن 

پنجابی ادبی سنگت لاہور پاکستان دا ہفتہ وار تنقیدی پروگرام تے مشاعرہ

 پلاک دی  سانجھ  نال 6 وجے  شام جمعہ  31  اکتوبر 2025 پنجابی بیٹھک پلاک قذافی اسٹیڈیم چ ہویا  

جہدی صدارت نوجوان شاعر  یاسین یاس ہوراں کیتی  مہمانِ خصوصی مزمل زائر نقوی پھول نگر ، لیاقت علی کنول چھانگا مانگا  تے عدل منہاس لاہوری سن

 جنہاں شاعر دوستاں ایس پروگرام  چ شرکت کیتی اوہناں چ تسنیم تصدق ، صدیق جوہر ، مشتاق قمر ، یونس وریام شامل سن 

اسٹیڈیم چ میچ ہون پاروں ٹریفک جام دا مسئلہ بہت زیادہ سی جس کر کے کافی سارے متر ایس پروگرام چ شریک نہ ہو سکے بہرحال ایم وائی شاہد ہوری مبارک باد دے حق دار نے کہ اوہناں ایہناں حالاتاں چ وی ہمت نہیں ہاری تے مشاعرہ کروان چ کامیاب ہوئے حالانکہ پلاک انتظامیہ کلے کلے بندے نوں دسدی رہی کہ اج ایتھے کوئی پروگرام نہیں اے پروگرام ایسے پاروں تھوڑا لیٹ شروع ہویا پروگرام چھوٹا رہیا پر بھرپور مشاعرہ ہویا سارے متراں اک دوجے نوں تک کے سنیا تے کھل کے داد دتی