رشماں ادبی فورم کنگن پور ولوں بیاد تجمل کلیم مشاعرہ

 رِشماں ادبی فورم کنگن پور ولّوں استاد تجمل کلیمؔ ہوراں

 دی یاد وچ تاریخی مشاعرہ

رِشماں ادبی فورم کنگن پور دی چھتر چھاویں استاد تجمل کلیمؔ ہوراں دی یاد وچ اک شاندار تے تاریخی مشاعرہ منعقد کیتا گیا، جس وچ کنگن پور تے آل دوالے  دیاں ادبی،  سماجی تے  سیاسی شخصیات نے بھرپور شرکت کیتی۔

ادب دوست شخصیتاں خان ولی خان، مرزا علی ارباب، چوہدری فیصل رضا خاں، مرزا اشہب غیاث تے حافظ روح الامین ایڈووکیٹ ہوراں نے خصوصی شرکت کیتی تے پروگرام نوں چار چن لائے۔

پروگرام دا آغاز تلاوتِ قرآن پاک نال ہویا، جیہدا شرف حافظ اعیان احمد ضیاء نے حاصل کیتا۔

نعتِ رسولِ مقبول ﷺ پیش کرن دی سعادت محمد رفیع وٹو سلطانی نے حاصل کیتی۔

نظامت دے فرائض چھانگا مانگا توں تعلق رکھن والے نوجوان میاں یُسین درانی نے نہایت خوبصورتی نال سرانجام دِتے۔

محفل دی صدارت استاد  تجمل کلیمؔ ہوراں  دے شاگردِ خاص علی شاکر ہوراں کیتی تے صاحبِ شام شاعر پروفیسر ڈاکٹر عباد نبیل شاد سن۔

مشاعرے وچ شریک شاعراں وچ

اویس صدیق، اسلم شاد، اشفاق کامل، حیدر نقوی، نبیل نابر، منیر حسین حیدری، زین جٹ، عامر صدیقی، منت فاطمہ، یٰسین بھٹی، وزیر علی راجہ، اشرف عابد، تابش علی، نصر خیالی، مزمل زائر، نذیر احمد نذر، صدا عابدی، رائے ظہیر، اسلم شوق، نبیل نجم، پروفیسر علی بابر، وحید رضا، اسلم ملنگ، انور فِکر، یٰسین یاس، ایمن چاغی، عصمت اللہ سیکھو، صادق فدا، عمران سحر، تنویر عباس حیدری، علی جوشا، اعزاز عین، رانا سعید اختر، ارشاد سندھو، شاہزیب نوید، اشتیاق اثر، صابر علی صابر، سید فدا بخاری، پروفیسر ڈاکٹر عباد نبیل شاد تے علی شاکر۔

شعراء کرام نے اپنی اپنی شاعری پیش کر کے استاد تجمل کلیمؔ ہوران نوں خراجِ عقیدت پیش کیتا۔ حاضرینِ محفل نے دل کھول کے داد دِتی تے شعراء  کرام دی بھرپور حوصلہ افزائی کیتی۔

میزباناں وچ 

وحید رضا، پروفیسر علی بابر، وزیر علی راجہ، نبیل نابر، حیدر نقوی، اسلم شاد، منیر حسین حیدری، زین جٹ، سید ندیم اقبال بخاری، عامر رضا سواتی، محمد اشرف اسد (پرنسپل ثریا میموریل ہائی سکول کنگن پور)، اشفاق کامل، شرافت علی سونی تے پروفیسر عدنان اسلم شامل سن۔ 

محفل مشاعرہ وچ رلت کرن والے تمام شعراء نے استاد تجمل کلیمؔ ہوراں دیاں پنجابی ادبی خدمات نوں خراجِ تحسین پیش کیتا تے اوہناں دی یاد نوں زنده رکھن دا پختہ عزم کیتا۔

رپورٹ: نبیل نابر

جنرل سیکرٹری، رِشماں ادبی فورم کنگن پور