نظم
انسانیت زندہ باد
آجاؤ روندے چہریاں تے رونق لیائیے
دُکھ وچ گواچیاں دے دُکھ ونڈائیے
زاتاں پاتاں دے کوڑھ نوں ہن دور بھجائیے
اتے آپاں اک نیک انسان بن پائیے۔
آجاؤ ویدیا دا دیپ ہر گھر جگائیے
دیش دے ہر بچّے دے ہتھ وچ قلم پھڑائیے
۔
راہواں چ رُلدے بزرگاں نوں گل نال لائیے
اتے آپاں بے سہاریاں دا سہارا بن جائیے
آجاؤ کتاباں اتے بوٹیاں دے وی لُنگر لائیے
انج اپنےبھوکّھ اتے واتاورن نوں بچائیے
لوڑ منداں تک ضروری صحت سہولتاں پہنچائیے
کہ علاج دُکھوں کوئی جان نہ جاوے پرن کرائیے۔
آجاؤ سود وِرک دے لِکھے بولاں اُتّے غور فرمائیے
اتےاپنا سبھ قُدرت وانگ اپنے فرض نِبھائیے
شاعر
مہیندر سود وِرک
ایڑیٹر حرفاں دی ڈار
جالندھر 9876666381
شاہ مُکھی لپّی
سلیم آفتاب سلیم قصوری
|| ਇਨਸਾਨੀਅਤ ਜ਼ਿੰਦਾਬਾਦ ||
ਆਜੋ ਰੋਂਦੇ ਚੇਹਰਿਆਂ ਤੇ ਹਾਸੇ ਲਿਆਈਏ।
ਦੁੱਖ ਵਿੱਚ ਗਵਾਚਿਆਂ ਦੇ ਦੁੱਖ ਵੰਡਾਈਏ।।
ਜਾਤਾਂ-ਪਾਤਾਂ ਦੇ ਕੋਹੜ੍ਹ ਨੂੰ ਹੁਣ ਦੂਰ ਭਜਾਈਏ।
ਅਤੇ ਆਪਾਂ ਇੱਕ ਨੇਕ ਇਨਸਾਨ ਬਣ ਪਾਈਏ।।
ਆਜੋ ਵਿੱਦਿਆ ਦਾ ਦੀਪ ਹਰ ਘਰ ਜਗਾਈਏ।
ਦੇਸ਼ ਦੇ ਹਰ ਬੱਚੇ ਦੇ ਹੱਥ ਵਿੱਚ ਕਲਮ ਫੜ੍ਹਾਈਏ।।
ਰਾਹਾਂ ਚ ਰੁਲਦੇ ਬਜੁਰਗਾਂ ਨੂੰ ਗਲ ਨਾਲ ਲਾਈਏ।
ਅਤੇ ਆਪਾਂ ਬੇਸਹਾਰਿਆਂ ਦਾ ਸਹਾਰਾ ਬਣ ਜਾਈਏ।।
ਆਜੋ ਕਿਤਾਬਾਂ ਅਤੇ ਬੂਟਿਆਂ ਦੇ ਵੀ ਲੰਗਰ ਲਾਈਏ।
ਇੰਝ ਆਪਣੇ ਭਵਿੱਖ ਅਤੇ ਵਾਤਾਵਰਣ ਨੂੰ ਬਚਾਈਏ।।
ਲੋੜਮੰਦਾਂ ਤੱਕ ਜ਼ਰੂਰੀ ਸਿਹਤ ਸਹੂਲਤਾਂ ਪਹੁੰਚਾਈਏ।
ਕਿ ਇਲਾਜ ਦੁੱਖੋਂ ਕੋਈ ਜਾਨ ਨਾ ਜਾਵੇ, ਪ੍ਰਣ ਕਰਾਈਏ।
ਆਜੋ ਸੂਦ ਵਿਰਕ ਦੇ ਲਿਖੇ ਬੋਲਾਂ ਉੱਤੇ ਗੌਰ ਫ਼ਰਮਾਈਏ।
ਅਤੇ ਆਪਾਂ ਸਭ ਕੁਦਰਤ ਵਾਂਗ ਆਪਣੇ ਫਰਜ਼ ਨਿਭਾਈਏ।।
ਲੇਖਕ :- ਮਹਿੰਦਰ ਸੂਦ ਵਿਰਕ
ਜਲੰਧਰ
98766-66381
No comments:
Post a Comment