نعت رسول مقبول صلی اللہ علیہ وآلہ وسلم
سدا میرے سرکار کی بات ہوگی
ثنا میرے آقا کی دن رات ہوگی
احد اور احمد میں جو فاصلہ ہے
روا اس کو رکھیں تو پھر نعت ہو گی
جو اپنائے سنت حبیبِ خدا کی
جہاں میں اسے کس لیے مات ہوگی
چھڑے گا جہاں ذکر ِ شاہِ مدینہ
وہاں رب کی رحمت کی برسات ہوگی
چلے گا جو تو ان کے نقشِ قدم پر
جہاں بھر کی دولت ترے ہاتھ ہوگی
جو شانِ رفعنا کے مالک ہیں تنہا
جمیل ان سے آگے کوئی ذات ہوگی؟
میاں جمیل احمد
No comments:
Post a Comment