قدر دان پاکستان ادبی تنظیم تے قدر دان ڈیجیٹل چینل ولوں قصور چ ماہانہ مشاعرہ ۔
صدارت نامور شاعر احمد فہیم میو ہوراں کیتی مہمان خاص نامور پنجابی شاعر یاسین یاس ہوری سن ۔
مشاعرے چ ملک بھر دے منے پرمنے شاعراں دی شرکت۔
قصور ( یاسین یاس ) 7 دسمبر 2025، بروز اتوار، قصور شہر وچ قدر دان ڈیجیٹل چینل تے قدر دان پاکستان ادبی تنظیم دے اشتراک نال ماہانہ مشاعرہ قصور اک نجی ہال وچ منعقد ہویا۔ ایہہ ادبی تقریب شہر دے ادبی ذوق رکھنے والے طبقے لئی اک خوشگوار موقع سی جتھے قصور تے لاہور دے سنن والیاں نے شرکت کر کے محفل نوں رونق بخشی تے شعری ماحول نوں مزید خوبصورت بَنایا۔
مشاعرے دی صدارت احمد فہیم میؤ( لاہور ) نے کیتی صاحب صدرات نے افتتاحی کلمات وچ ادب دی اہمیت تے نوجوان لکھاریاں نوں پلیٹ فارم مہیا کرن بارے گل کیتی۔ سرپرستی سلیم آفتاب سلیم صاحب ہوراں کیتی اوہ بزمِ قدر دان دے مستقل سرپرست نیں اوہ ادبی سرگرمیاں دے ودھا لئی کم کر دے رہندے نیں۔
اس مہینے دی نشست دے مہمانِ خاص یاسین یاس ( پھول نگر ) سن جنہاں دے آؤن نال مشاعرے چ ہور جان پے گئی تے بھرپور مشاعرہ ہویا مشاعرے دا سارا انتظام قدر دان ڈیجیٹل چینل دی ٹیم دے ذمہ سی جنہاں دے خوبصورت انتظامات دی وجہ نال ڈھیر سوہنا انتظام ہو گیا جنہاں شاعراں ایس مشاعرے چ شرکت کیتی اوہناں چ صدر محفل احمد فہیم میؤ صاحب ( لاہور ) ،
مہمان خاص یاسین یاس ( پھول نگر ), صدیق جوہر( لاہور )، نیاز علی نیازت صاحب( مانسہرہ ) ، عبدالرزاق محسن صاحب ( قصور )، رستم وٹو صاحب ( تاندلیانوالا )، منظور شاہد صاحب ( اوراڑہ قصور ) ، سلیم آفتاب سلیم صاحب ( قصور) تے ندیم وقاص ( قصور ) نے اپنا تخلیقی کلام پیش کیتا جنہوں سامعین نے کھلے دل نال سراہیا ہر شاعر دے شعراں تے محفل وچ بار بار داد دی گونج سنائی دیندی رہی۔
مشاعرے دی نظامت سعیدالزماں ساجد صاحب ( لاہور ) نے نبھائی جنہاں نے اپنی خوش مزاجی تےشعر گوئی نال محفل نوں چار چن لا دتے ۔ مشاعرے وچ کافی سارے سامعین شریک سن تے ہر اچھے شعر اُتے دل کھول کے داد دیندے رہے ادبی حلقیاں نے اس مشاعرے نوں منظم، خوش ذوق تے معیار دے لحاظ نال کامیاب قرار دتا تے امید ظاہر کیتی کہ قدر دان ڈیجیٹل چینل ایسے طرح ای قدر دان پاکستان مشاعریاں دا ایہہ سلسلہ جوش تے جذبے نال جاری رکھے گا۔
ਪਕਦਰਦਾਨ ਪਾਕਿਸਤਾਨ ਅਦਬੀ ਤਨਜ਼ੀਮ ਤੇ ਕਦਰਦਾਨ ਡਿਜੀਟਲ ਚੈਨਲ ਵੱਲੋਂ ਕਸੂਰ ਚ ਮਾਹਾਨਾ ਮੁਸ਼ਾਇਰਾ ।
ਸਦਾਰਤ ਨਾਮਵਰ ਸ਼ਾਇਰ ਅਹਿਮਦ ਫ਼ਹੀਮ ਮੇਵ ਹੁਰਾਂ ਕੀਤੀ ਮਹਿਮਾਨ ਖ਼ਾਸ ਨਾਮਵਰ ਪੰਜਾਬੀ ਸ਼ਾਇਰ ਯਾਸੀਨ ਯਾਸ ਹੁਰੀਂ ਸਨ ।
ਮੁਸ਼ਾਇਰੇ ਚ ਮੁਲਕ ਭਰ ਦੇ ਮਨੇ ਪ੍ਰਮੰਨੇ ਸ਼ਾਇਰਾਂ ਦੀ ਸ਼ਿਰਕਤ।
ਕਸੂਰ ( ਯਾਸੀਨ ਯਾਸ ) 7 ਦਸੰਬਰ 2025، ਬਰੋਜ਼ ਐਤਵਾਰ, ਕਸੂਰ ਸ਼ਹਿਰ ਵਿਚ ਕਦਰਦਾਨ ਡਿਜੀਟਲ ਚੈਨਲ ਤੇ ਕਦਰਦਾਨ ਪਾਕਿਸਤਾਨ ਅਦਬੀ ਤਨਜ਼ੀਮ ਦੇ ਇਸ਼ਤਰਾਕ ਨਾਲ਼ ਮਾਹਾਨਾ ਮੁਸ਼ਾਇਰਾ ਕਸੂਰ ਇਕ ਨਿੱਜੀ ਹਾਲ ਵਿਚ ਮੁਨਅੱਕਿਦ ਹੋਇਆ। ਇਹ ਅਦਬੀ ਤਕਰੀਬ ਸ਼ਹਿਰ ਦੇ ਅਦਬੀ ਜ਼ੌਕ ਰੱਖਣੇ ਵਾਲੇ ਤਬਕੇ ਲਈ ਇਕ ਖ਼ੁਸ਼ਗਵਾਰ ਮੌਕਾ ਸੀ ਜਿਥੇ ਕਸੂਰ ਤੇ ਲਾਹੌਰ ਦੇ ਸੁਣਨ ਵਾਲਿਆਂ ਨੇ ਸ਼ਿਰਕਤ ਕਰ ਕੇ ਮਹਿਫ਼ਲ ਨੂੰ ਰੌਣਕ ਬਖ਼ਸ਼ੀ ਤੇ ਸ਼ਿਅਰੀ ਮਾਹੌਲ ਨੂੰ ਮਜ਼ੀਦ ਖ਼ੂਬਸੂਰਤ ਬਣਾਇਆ।
ਮੁਸ਼ਾਇਰੇ ਦੀ ਸਦਾਰਤ ਅਹਿਮਦ ਫ਼ਹੀਮ ਮਿਓ( ਲਾਹੌਰ ) ਨੇ ਕੀਤੀ ਸਾਹਿਬ ਸਦ ਰਾਤ ਨੇ ਇਫ਼ਤਤਾਹੀ ਕਲਮਾਤ ਵਿਚ ਅਦਬ ਦੀ ਅਹਿਮੀਅਤ ਤੇ ਨੌਜਵਾਨ ਲਿਖਾਰੀਆਂ ਨੂੰ ਪਲੇਟਫ਼ਾਰਮ ਮੁਹਇਆ ਕਰਨ ਬਾਰੇ ਗੱਲ ਕੀਤੀ। ਸਰਪ੍ਰਸਤੀ ਸਲੀਮ ਆਫ਼ਤਾਬ ਸਲੀਮ ਸਾਹਿਬ ਹੋਰਾਂ ਕੀਤੀ ਉਹ ਬਜ਼ਮ-ਏ-ਕਦਰਦਾਨ ਦੇ ਮੁਸਤਕਿਲ ਸਰਪ੍ਰਸਤ ਨੇਂ ਉਹ ਅਦਬੀ ਸਰਗਰਮੀਆਂ ਦੇ ਵਧਾ ਲਈ ਕੰਮ ਕਰਦੇ ਰਹਿੰਦੇ ਨੇਂ।
ਇਸ ਮਹੀਨੇ ਦੀ ਨਿਸ਼ਸਤ ਦੇ ਮਹਿਮਾਨ-ਏ-ਖ਼ਾਸ ਯਾਸੀਨ ਯਾਸ ( ਫੋਲ ਨਗਰ ) ਸੰਨ ਜਿਨ੍ਹਾਂ ਦੇ ਆਉਣ ਨਾਲ਼ ਮੁਸ਼ਾਇਰੇ ਚ ਹੋਰ ਜਾਣ ਪੇ ਗਈ ਤੇ ਭਰਪੂਰ ਮੁਸ਼ਾਇਰਾ ਹੋਇਆ ਮੁਸ਼ਾਇਰੇ ਦਾ ਸਾਰਾ ਇੰਤਜ਼ਾਮ ਕਦਰਦਾਨ ਡਿਜੀਟਲ ਚੈਨਲ ਦੀ ਟੀਮ ਦੇ ਜ਼ਿੰਮਾ ਸੀ ਜਿਨ੍ਹਾਂ ਦੇ ਖ਼ੂਬਸੂਰਤ ਇੰਤੇਜ਼ਮਾਤ ਦੀ ਵਜ੍ਹਾ ਨਾਲ਼ ਢੇਰ ਸੋਹਣਾ ਇੰਤਜ਼ਾਮ ਹੋ ਗਿਆ ਜਿਨ੍ਹਾਂ ਸ਼ਾਇਰਾਂ ਏਸ ਮੁਸ਼ਾਇਰੇ ਚ ਸ਼ਿਰਕਤ ਕੀਤੀ ਉਨ੍ਹਾਂ ਚ ਸਦਰ ਮਹਿਫ਼ਲ ਅਹਿਮਦ ਫ਼ਹੀਮ ਮਿਓ ਸਾਹਿਬ ( ਲਾਹੌਰ ) ،
ਮਹਿਮਾਨ ਖ਼ਾਸ ਯਾਸੀਨ ਯਾਸ ( ਫੋਲ ਨਗਰ ), ਸਦੀਕ ਜੌਹਰ( ਲਾਹੌਰ ), ਨਿਆਜ਼ ਅਲੀ ਨਿਆਜ਼ਤ ਸਾਹਿਬ( ਮਾਨਸਹਰਾ ) ، ਅਬਦੁੱਲ ਰੱਜ਼ਾਕ ਮਹਸਨ ਸਾਹਿਬ ( ਕਸੂਰ ), ਰੁਸਤਮ ਵੱਟੂ ਸਾਹਿਬ ( ਤਾਨਦਲਿਆਨਵਾਲਾ ), ਮਨਜ਼ੂਰ ਸ਼ਾਹਿਦ ਸਾਹਿਬ ( ਔਰ ਅੜਾ ਕਸੂਰ ) ، ਸਲੀਮ ਆਫ਼ਤਾਬ ਸਲੀਮ ਸਾਹਿਬ ( ਕਸੂਰ) ਤੇ ਨਦੀਮ ਵਿਕਾਸ ( ਕਸੂਰ ) ਨੇ ਅਪਣਾ ਤਖ਼ਲੀਕੀ ਕਲਾਮ ਪੇਸ਼ ਕੀਤਾ ਜਿਨੂੰ ਸਾਮਾਈਨ ਨੇ ਖੁੱਲੇ ਦਿਲ ਨਾਲ਼ ਸਰਾਹਿਆ ਹਰ ਸ਼ਾਇਰ ਦੇ ਸ਼ਿਅਰਾਂ ਤੇ ਮਹਿਫ਼ਲ ਵਿਚ ਬਾਰ ਬਾਰ ਦਾਦ ਦੀ ਗੂੰਜ ਸੁਣਾਈ ਦਿੰਦੀ ਰਹੀ।
ਮੁਸ਼ਾਇਰੇ ਦੀ ਨਜ਼ਾਮਤ ਸਈਦ ਅਲਜ਼ਮਾਂ ਸਾਜਿਦ ਸਾਹਿਬ ( ਲਾਹੌਰ ) ਨੇ ਨਿਭਾਈ ਜਿਨ੍ਹਾਂ ਨੇ ਆਪਣੀ ਖ਼ੁਸ਼ ਮਿਜ਼ਾਜ਼ੀ ਤੇ ਸ਼ਿਅਰ ਗੋਈ ਨਾਲ਼ ਮਹਿਫ਼ਲ ਨੂੰ ਚਾਰ ਚੰਨ ਲਾ ਦਿੱਤੇ । ਮੁਸ਼ਾਇਰੇ ਵਿਚ ਕਾਫ਼ੀ ਸਾਰੇ ਸਾਮਾਈਨ ਸ਼ਰੀਕ ਸਨ ਤੇ ਹਰ ਅੱਛੇ ਸ਼ਿਅਰ ਅਤੇ ਦਿਲ ਖੋਲ ਕੇ ਦਾਦ ਦਿੰਦੇ ਰਹੇ ਅਦਬੀ ਹਲਕਿਆਂ ਨੇ ਇਸ ਮੁਸ਼ਾਇਰੇ ਨੂੰ ਮਨਜ਼ਮ, ਖ਼ੁਸ਼ ਜ਼ੌਕ ਤੇ ਮਿਆਰ ਦੇ ਲਿਹਾਜ਼ ਨਾਲ਼ ਕਾਮਯਾਬ ਕਰਾਰ ਦਿੱਤਾ ਤੇ ਉਮੀਦ ਜ਼ਾਹਰ ਕੀਤੀ ਕਿ ਕਦਰਦਾਨ ਡਿਜੀਟਲ ਚੈਨਲ ਇਸੇ ਤਰ੍ਹਾਂ ਈ ਕਦਰਦਾਨ ਪਾਕਿਸਤਾਨ ਮੁਸ਼ਾਇਰਿਆਂ ਦਾ ਇਹ ਸਿਲਸਿਲਾ ਜੋਸ਼ ਤੇ ਜਜ਼ਬੇ ਨਾਲ਼ ਜਾਰੀ ਰੱਖੇਗਾ
No comments:
Post a Comment