سانجھا ویہڑا پنجاب دا تے بزم عابد تمیمی ( کاشف پنجابی )

 

بزم عابد تمیمی انٹرنیشنل دا سانجھا ویہڑا پنجاب دا

پنجابی ادب دی سیوا اتے ماں بولی دے پرچار لئی بزم عابد تمیمی انٹرنیشنل 3 سال توں سوہنے ڈھنگ نال نبھا رہی اے۔

گورمکھی ہووے یا شاہ مکھی لہندا ہووے یا چڑھدا پوری دنیا وچ کتاباں تے مشاعرے آں دے نال نال پنجابی رہتل، وسیب نوں جیوندا رکھن لئی میلے تے پنجابی رسماں رواجاں دے پروگرام کروا کے بزم عابد تمیمی انٹرنیشنل نے کینڈا توں پنجاب تک دیس، ودیشاں وچ اپنی ماں بولی دی سیوا کر کے سوہنی  پہچان تے نام کمایا اے۔ 

اجوکے ویلے نوں مکھ رکھیئے تاں سوشل میڈیا تے ہر دن لائیو پروگرام سانجھا ویڑھاپنجاب دا سجایا جاندا اے جہدے وچ دنیا بھر دے پنجابی اک دوجے نال وچار وٹاندرا دے نال نال اک دوجے نال اپنیاں لکھتاں تے سوچاں بڑی محبت نال سانجھیاں کردے نیں۔سانجھا ویڑھا پنجاب دا لائیو پروگرام دنیا دے بہت سارے دیساں وچ ویکھیا جا رہئیا اے جہدے نال ودیشاں وچ وسن آلی ساڈی نویں پنیری ، بچے پنجابی سکھدے نیں اتے لکھاری پنجابی ادب،شاعری عروض دے نال نال ہر دن دیاں خبراں وی اک دوجے نال سانجھیاں کردے نیں۔ 

بزم عابد تمیمی انٹرنیشنل نال جڑے ہوئے لوکاں پورا سال نال جڑ کے محبت پیار سانجھا کرن تے ہر سال ہر ممبر نوں سرٹیفکیٹ۔ مان سمان پتر دتا جاندا اے 2024 دے پیار دے پتر بہت سارے دوستاں نوں دتے گئے نیں تاکہ سارے متر، بہن بھرا اپنی رہتل دیس پنجاب نال جڑے رہن تے پنجابی ادب دی سیوا کردے رہن۔ 

جنہاں دے وچ ۔۔۔

ارشاد سندھو۔ زاہد جرپالوی، آصف علی علوی۔ کلبیر سنگھ حسرت ، یاسین یاس۔ ستندر جیت کور ۔آصفہ مریم۔ کملیش سندھو،  فلک شیر نوید،اعظم رانجھا ۔ مومن ہاشمی، زین جٹ۔صادق فدا قادری۔ امجد عارفی۔کاشف تنویر ۔مزمل زائر ۔ ہور بہت سارے لوگ شامل نین۔

بزم عابد تمیمی انٹرنیشنل دے سیوک کاشف تنویر ہوراں دی گورمکھی وچ کتاب " سوچ دے اکھر "  دی گھنڈ چکائی کرن لئی چڑھدے پنجاب 24 تریخ نوں  پھگواڑا شہر انڈیا وچ پنجابی ورثہ ولوں  پنجابی ادب دا بہت وڈا نام سکھی باٹھ جی کینڈا توں آ رہے نیں۔