پنجاب ہاؤس لاہور میں کاشف تنویر کی" کتاب سوچ دے اکھر " کی تقریب رونمائی اور کل پنجاب محفل مشاعرہ
بزم عابد تمیمی انٹرنیشنل کے سرگرم نوجوان شاعر سانجھا ویہڑا کے میزبان سوہنے شاعر کاشف تنویر کی کتاب " سوچ دے اکھر" کی تقریب رونمائی اور کل پنجاب مشاعرہ بھلیکھا ٹی وی / پنجاب ہاؤس میں ہوا جس کی صدارت مشہور و معروف شاعر پروفیسر ڈاکٹر جواز جعفری صاحب کی خصوصی مہمانان گرامی محسن شبیر جعفری ، ڈاکٹر صغیر احمد صغیر ، ڈاکٹر سعید اقبال سعدی ، فاخرہ انجم , اور کاشف تنویر تھے ۔نقابت کے فرائض معروف کمپئیر شاعر و میزبان اعظم توقیر نے بخوبی نبھائے ۔
تلاوت کلام پاک و نعت رسول مقبول صلی اللہ علیہ وآلہ وسلم کی سعادت جناب نبیل نظامی صاحب کے حصہ آئی جنہوں نے سامعین پر وجد کی کیفیت طاری کیے رکھی ۔
مہمان اعزاز و دیگر شعراء کرام میں ڈاکٹر مظہر محسن ، مزمل ناطق بلوچ ، ناصر انجم وڑائچ ، احتشام حسن ، بشیر کمال ، افضل پارس ، تنویر حیدری ، نوید مغل ، یاسین یاس ، عروج زیب ، اثرہ اسلم ، بشیر ندیم ، قسیم جعفری ، عبالرحمان رضوان ، نوازش رضا ، اور نوید حیدری و دیگر شامل تھے ۔خوبصورت و یادگار محفل مشاعرہ رات نو بجے تک جاری رہا صاحب صدارت جناب ڈاکٹر جواز جعفری نے صدارتی خطاب میں کہا کہ بلاشبہ پنجاب بھر سے آئے ہوئے شعراء کرام کو سن کر بہت خوشی ہوئی اور یقین ہوگیا کہ مضافات میں رہنے والے شعراء بہت اچھا شعر کہہ رہے ہیں مجھے ان پانچ چھ گھنٹوں کے گذر جانے کا احساس تک نہیں ہوا ایک سے ایک اچھا شاعر اور ایک سے اچھا شعر سننے کو ملا جس کے لیے میں انتظامیہ کو مبارک باد پیش کرتا ہوں .
No comments:
Post a Comment