※صفتِ ہیر※
ہونٹ سرخ یاقوت لعل چمکن
ٹهوڈی سیب ولایتی سار وچّوں
دند چنبے دی لڑی کہ ہنس موتی
دانے نکلے حسن ___ انار وچّوں
نک الف حسینی ___ دا پپلائے
زلف ناگ خزانے دی بار وچّوں
لکهی چین کشمیر تصویر جٹی
قد سرو بہشت __ گلزار وچّوں
گردن کونج دی انگلیاں رواہاں پهلیاں
ہتھ کولڑے برگ ______ چنار وچّوں
سرخی ہونٹاں دی لوہڑ دنداسڑے دا
هو جئے قتل __ کهتری بازار وچّوں
شاہ پری دی بهین پهول پنج رانی
گجی رہو نہ ____ ہیر ہزار وچّوں
سیاں نال ____ لٹکدی مان متی
جیوں ہرنیاں ترٹهیاں بار وچّوں
لنکا باغ دی پری کہ اندرانی
حُور نکلی چن انوار وچوں
ابر اوہدتے اوندھ __ ولٹ مصری
چمک نکلے میان دی دهار وچّوں
جو کوئی ویکھدا اوس دے حسن تائیں
زخم لگدا _________ اوس تلوار وچّوں
متهے آں لگن جیہڑے بهور عاشق
نکل نان تلوار دی ___دهار وچّوں
وارث شاہ جان نیناں دا داء لگے
کوئی بچو نہ جوئے دی ہار وچّوں
وارث شاہ سرکار رحمةُ الله عليه
No comments:
Post a Comment